鵪鶉怪

和「人」這種動物溝通不了，愈是想和別人溝通，愈是緊張得手心冒汗（仲有mint手指、東張西望）其實我知那時所做的一切小動作，但不知何解控制不了自己，覺得毫無安全感，想逃，不想出醜。昨天如是，今天又如是，自己都覺得怕。
（其實明白不和其他人有關，全是自己的事！唔準怪人。）

?多謝心理輔導員?

興奮憂鬱症

經過今天，發覺可能患了「興奮憂鬱症」自己，哈哈?個病名都夠經典了。看過了一些簡介，有些都幾中point，post出來幫下自己又幫下人啦！
憂鬱的心理症狀
不快心情，揮之不去 （都幾啦，日日都好似就０黎M咁，好死煩）
苦悶無聊，對事物只覺無趣 （有好多野未做，但唔想去開始，係懶定係藉口？！）
無法享受生活 （一時時，近來大時大節覺得好係！人多的地方，更難享受「生活」）
淺易的決定亦難以作出 （中呀，有時只不過是二擇其一，我都很難才可做決定）
極度疲倦 （老啦，無辦法啦！）
內心激動、不安 （眼淚可以無時無刻咇到出來，無需演技搭夠）
失掉自信 （樣醜、人肥、無腦、做野唔得、畫畫唔得、人際唔掂、讀書唔掂）
但覺無用、不足和絕望 （無話可說！）
心情煩躁、易怒 （細佬、Daddy同陳先生受哂，對唔住）
想到自殺 （幸好，暫時未！）

憂鬱的身體症狀
消瘦、無胃口 （哈哈??睇見都開心，但係我好好胃口）
難於入睡 （一時時，有時發夢見到媽咪，之後就訓得唔好）
早醒 （日日六點起身，都早醒?）
便秘 （唔，好尷尬添，不過係呀）
對性失去興致 （嘩，可能?！）

躁狂的徵狀
非常開心和興奮 （睇下0的乜野人，俾0的野feedback我啦）
對你樂觀態度持異議的人，會令你不滿 （係，我認我小氣）
精力旺盛 （一時時啦，有時發癲真係幾得人驚）
無法或不願入睡 （有時無野做，但係在極度抗奮的情況下，會好夜都唔訓）
自覺滿有嶄新思維和創意無限 （開會時會有咁０既感覺）
自覺地位昭彰，高人一等 （睇下對住邊個呢！）
聽到別人聽不到的說話 （好鬼異呀）

其他人會留心到你的躁狂：
思想飛躍，念頭快速地接二連三 （俗稱：short short 地）
策劃鴻圖偉略，不切實際 （成日俾陳先生話０家啦）
主動活躍，極之迅速靈活 （er…….唔清楚）
行徑怪異 （極之有可能）
說話輕快，甚至叫人覺得不知所謂 （不知所謂，可能就係大家俾我的評價）
衝動作出奇怪的決定，有時帶來災難性的後果 （2003年嘗試過了，真的帶來「災難性的後果」）
過度疏爽地用錢 （嘻嘻，實不相瞞)
對性變得隨便 （點為之隨便？多過一個呀？）

周星馳

如果今個聖誕節和別人談看電影，大家已暗暗知道要說的是那齣電影了。去了看《功夫》，這次在大銀幕下看周星馳，第一個感覺就是：「真係型喎！大佬！」很喜歡那個「上海灘」時代的背景，女的很美，男的很型，建築也很古典，就連「豬籠城寨」都覺得好有味道。整齣戲沒有太多預期的笑料，哈哈?不太懂寫影評，不過感到周星馳又去左另一個Level。（嘻嘻?仲好型添！）

今日和自己老豆去飲茶，又和別人的老豆去打邊爐，發覺男人到了一定的年紀，都幾鬼麻煩，鐘意認叻，不接受新知識，終於呢→就係咁俾仔女窒到應一應！哈哈，天下爸爸一個樣，慘！學朋友仔話齋，衰０的講句，佢地過左一半人世啦，佢地開開心心咪得囉！有道理、有道理。


P.S. 感謝主，香港沒有海瀟，亦希望死亡人數不要再多了，夠了！

很累的湊仔婆

很累的湊仔婆
每年聖誕節都會和家人一起過，表哥、表姐、表弟、表妹、但今年不同是老豆、細佬和我都沒有了Mammy。老豆依舊和小朋友們玩到傻哂，不過，我在旁邊看著他卻有點酸。自己時常沒有時間陪他，出去玩又給我「0依0依哦哦」，反過來的是，我太緊張，給身邊的人和自己都有太大的壓力。Hey! 朋友仔，relax~~~~！

今年想買很多聖誕禮物給小朋友，給0靚BB、給囡囡，想他們收到禮物時能開心地笑。以前小時候，老豆和Mammy會在放假接我們回家，他們會預先把禮物放在床上。他們每次都說是聖誕老人送的，但他們不知道我一早知道在香港是沒有聖誕老人的。哈！不過，做戲做全套，我都會交足戲問老豆，究竟聖誕老人幾時入來？佢?英文還是廣東話？仲有好多好多無聊的問題，煩住老豆，好鬼開心

小氣鬼

話病了，點知咁大個人都小氣，終於真的病了。真小氣 … 今天原想做多少少，計劃了稍後的project所用的時間，發覺時間真非常的趕，唯有放多些心機去做好些，做快些，要明白人工不是白逗的。就是這樣，鼻子下掛著兩行鼻水便不住的做做做。傷風，令到今天面腫腫，變成了一個大豬頭，所以令我今天更像一頭豬。